Fors´´iða
KENNSLUSTOFA
            FRAMTÍÐAR
 SKRÁNING Á RÁÐSTEFNUNA!


    Kennaraháskóli Íslands leiðir dagskrána Kennslustofa framtíðar ásamt Árbæjarskóla, Fjölbrautaskólanum við Ármúla og Námsgagnastofnun í samvinnu við vinnuhóp um ráðstefnuna UT99. Auk ofangreindra skóla taka Borgarholtsskóli, Hjallaskóli, Melaskóli, Menntaskólinn í Kópavogi og leikskólinn Sólbrekka þátt í dagskránni.

    Í stofunni fer fram lifandi kennsla af ýmsu tagi og þar geta gestir komið og farið að vild hvort sem kennsla stendur yfir eða ekki. Við stofuna og í nokkrum stofum á sömu hæð kynna kennarar og nemendur búnað og kennsluaðferðir sem byggja á upplýsingatækni.

    Nýherji leggur til tæki í stofunni sjálfri, sex fartölvur frá IBM með rafhlöðum og þráðlausu netsambandi. Það eru engar snúrur! Fartölvunum fylgir einn flatur skjár fyrir kennara og áhorfendur, skjávarpi og Apple tölva fyrir kennara sem þess óska.

    Umsjón með Kennslustofu framtíðar

    Björn H. Jónasson og Sigurður Jesson fyrir Árbæjarskóla
    Helmut Hinrichsen fyrir Fjölbrautaskólann við Ármúla
    Hildigunnur Halldórsdóttir fyrir Námsgagnastofnun
    Torfi Hjartarson fyrir Kennaraháskóla Íslands

    23.02.1999