Svör um skólavist berast nemendur eftir miðjan júní

Nei, eingöngu þeim sem þú valdir númer eitt því það er sá skóli sem þú vildir helst fara í samkvæmt umsókn þinni

Já, þetta er rétt hjá þér. Framhaldsskólarnir fá lista yfir alla sem um þá sækja og raða umsækjendum í þá röð sem þeir vilja fá þá inn óháð vali eitt eða tvö. Tölvukerfið sér að þessu loknu um að fylla fyrst upp í 40% lausra plássa úr forgangsskólun og síðan upp í þau pláss sem eftir eru. Ef nemandinn er samþykktur í báðum þeim skólum sem hann valdi þá fer umsókn hans sjálfkrafa til þess skóla sem hann valdi númer eitt.

Ef þú hefur sótt um í forinnrituninni þá gildir sú umsókn.

Það er túlkun ráðuneytisins að ekki sé heimilt skv. lögunum að sleppa árlegum fundi skólaráðs með stjórn nemendafélagsins.

Það er ekki þannig að þú getir valið tvo skóla sem eru ekki forgangsskólar og treyst á að ef þú færð neitun í þeim þá komist þú inn í þinn forgangsskóla. Ef umsækjandi kemst ekki inn í þá skóla sem hann valdi þá fer umsóknin til mennta- og menningarmálaráðuneytisins þar sem unnið verður að því að finna pláss fyrir viðkomandi. Langflestir þeirra sem hafa valið raunhæfa kosti í vali númer eitt og tvö, miðað við gengi (einkunnir ) úr 10. bekk komast inn í annanhvort þann skóla sem þeir völdu. Hafir þú gert það skaltu ekki hafa áhyggjur af þessu.

Forinnritun fyrir þá sem eru að útskrifast úr 10.bekk núna í vor fer fram dagana 21. mars - 1. apríl 2011.

Í lögum um framhaldsskóla, 32. gr., segir að skólinn beri ábyrgð á innritun nemenda en jafnframt segir í sömu grein að í samningi ráðuneytis og skóla, 44. gr., skuli kveða á um skyldur einstakra framhaldsskóla við innritun nemenda og þær forsendur sem skóli leggur til grundvallar innritun nemenda. Ráðherra getur auk þess sett sérstök fyrirmæli um innritun í reglugerð. Þetta þýðir að einstaka skólar geti ekki einhliða sett skilyrði fyrir innritun nemenda og að skilyrðin séu háð samkomulagi við ráðuneytið.

Það er best fyrir þig að tala við skólann sem þú ert að sækja um í varðandi þetta. Það er misjafnt eftir skólum hvort þeir eru með svokallaða núll áfanga eða ekki sem þú þyrftir í raun að taka í því fagi sem þú fékkst 4,5 í.

Tölur úr forinnritun birtast á menntagatt.is á allra næstu dögum

Það er eitthvað misjafnt eftir skólum og því best að leita upplýsinga um það hjá skólunum sjálfum. Venjan hefur verið sú að framhaldsskólarnir hefjast í kringum 20. ágúst

Já það er hægt. Ef þú ætlar að breyta þá verður þú að afturkalla umsóknina fyrst. Ég mæli með því að þú gerir það sem fyrst áður en skólarnir fara að taka umsóknirnar til sín.

Landið er eitt lögsagnarumdæmi svo þú getur sótt um hvaða framhaldsskóla sem er óháð búsetu eða hvaða skóla þú útskrifast frá. Búseta eða skóli skiptir ekki máli en ef þú ert að vísa til forgangsreglunnar þá tengist hún þeim skóla sem þú útskrifast úr, sjá upplýsingar á vefslóðinni: http://menntagatt.is/forgangur-ad-skolavist/ og einnig er hægt að sjá lista yfir forgangsskóla á vefslóðinni: http://menntagatt.is/forgangsskolar/. Framhaldsskólar eiga að bjóða að lágmarki 40% nemenda úr ákveðnum skólum forgang í skólann en einkunnir nemenda ráða eftir sem áður hvort umsækjandi fær skólavist.

Þú átt að velja það sem þú hefur verið að læra í grunnskólanum

Þú átt rétt á skólavist fram að 18 ára aldri sem þýðir að komist þú ekki inn í þá skóla sem þú velur þér sér ráðuneytið um að finna þér pláss. Þú ert engu að síður í forgangi nú þegar þú ert að ljúka 10. bekk og því meiri líkur á að þú komist inn í þann skóla sem þú óskar eftir

Ef þú ert með níu í meðaleinkunn úr þeim fögum sem Verslunarskólinn tekur til grundvallar í sinni innritun þá hlýtur þér nú að vera óhætt að sækja um. Víst er það svo að ásókn í skólann er mikil en gleymdu því ekki að níu í meðaleinkunn er frábær árangur. Um að gera að sækja um þann skóla sem þig langar mest í og setja svo heimaskólann í annað val sé hann annar en sá sem þú velur í fyrsta val

Þú getur ekki breytt því þegar umsóknin þín hefur verið afgreidd. Þú þarft því að vera viss um að sá skóli sem þú setur í val nr. 1 sé sá skóli sem þú vilt helst fara í. En er nægur tími til að hugsa sig um. Innritun þeirra sem eru að útskrifast úr 10. bekk lýkur ekki fyrr en 9. júní.

Í umsóknarforminu þá hengir þú mynd og önnur skjöl við umsóknina.

Yfirleitt kemur inn einkunn fyrir mætingu sem er ekki sundurliðuð. Það er þó undir grunnskólanum komið hvernig hann sendir inn einkunn fyrir mætingu.

Nei það skiptir ekki máli hvenær þú sækir um svo lengi sem umsóknin þín hefur komið inn fyrir 9. júní nk.

Ég hef ekki orðið vör við að einkunnir hafi víxlast. Grunnskólarnir sjá um að skila þessu inn í INNU og það hefur gengið vel. Eru einhverjar sérstakar ástæður fyrir því að þú hefur áhyggjur af þessu?

Umsóknarfrestur fyrir þá sem eru ekki nýnemar er til 31.maí 2011. Ég geri ráð fyrir að skólarnir byrji eftir þann tíma að afgreiða sínar umsóknir. Þeir skólar sem ekki hafa náð að fylla sín pláss sbr. sumir skólar á landsbyggðinni geta væntanlega svarað sínum nemendum eitthvað fyrr. Best er að hafa beint samband við þann skóla sem þú ert að sækja um í til að fá nánari upplýsingar um þessi mál.

Það þýðir væntanlega að þú hefur komist inn. Mæli þó með því að þú hafir samband við viðkomandi skóla símleiðis til að fá þetta staðfest.

Innritun hefst 4. apríl fyrir þá sem eldri eru (þe. ekki úr 10. bekk) og stendur til 31. maí. Einstakir framhaldsskólar eru þó með aðrar dagsetningar og þú átt að geta séð nánari upplýsingar um það á vefsíðum skólanna eða hringt í þá til að spyrja.

Umsóknir 24 ára og yngri sem fá hafnað í aðal og varaskóla verða sendar til mennta og menningarmálaráðuneytisins í lok júní þar sem unnið verður að því að finna skólapláss fyrir viðkomandi

Innritun fyrir eldri nemenda er hafin og því í góðu lagi fyrir þig að senda inn umsókn

Já umsækjandi getur eingöngu haft eina umsókn í gildi. Í umsókninni er hægt að velja um tvo skóla.

Ef þú hefur sótt um áður í framhaldsskóla þá eru samræmdu prófs einkunnir komnar inn í kerfið.

Nýnemar eru í forgangshópi en það er alltaf möguleiki á að þú getir fengið þig flutta(n) um skóla. Það eru meiri líkur á að þú fáir inni í þeim skóla sem þú sækir um í ef þú ert með góða skólasókn og sýnir góðan árangur í náminu sem þú ert núna í.

http://menntagatt.is/toluleg-samantekt/

Því miður get ég ekki svarað þessu. Þú verður að hafa samband við þann skóla sem þú ætlar að sækja um í til þess að fá svör við þessu.

Þú getur sótt um hvaða framhaldsskóla sem er. Þú þarft að velja þér skóla og braut sem þú telur að henti þínu áhugasviði og þig langar í. Þú þarft einnig að velja braut út frá því hver námsárangur þinn er. Þú getur séð hver inntökuskilyrðin eru á vefsíðum framhaldsskólanna. Þú átt forgang í Fjölbrautaskólann í Breiðholti.

Það er eitthvað misjafnt eftir skólum en reiknað er með að almennt séu komin svör um miðjan desember

Skólinn sem þú sækir um í sér allar þær einkunnir sem eru inni á INNU. Sennilegt er að þegar umsókn þín berst skólanum þá sjáist bara einkunnirnar þínar úr 10. bekk og þau fög sem þú ert skráð(ur) í núna í menntaskóla þar sem prófum verður ekki lokið þegar umsóknartímabilinu lýkur. Þegar síðan einkunnir úr menntaskólanum liggja fyrir þá verða þær aðgengilegar þeim skóla sem þú hefur sótt um í.

Þú getur farið inn í umsóknina og breytt henni. Það skiptir ekki máli hvort þú fylltir hana út fyrir 21. mars eða ekki, þe. ef þú gast þá valið þá skóla sem þú ætlar þér að sækja um skólavist í. Þú minnkar ekki líkurnar á að komast inn í skólann þó þú hafir fyllt út umsóknina áður en formleg forinnritun hófst.

Sennilega er símat í einhverjum áföngum í Borgarholtsskóla en hringdu í skólann þeir geta best svarað þessari spurningu

Það er miðað við að allir þeir sem eru að ljúka grunnskóla nú í vor verði búnir að fá svar 27. júní um skólavist.

Sá skóli sem þú ákveður að fara í (skipta yfir í) verður að meta það

Listi yfir forgangsskóla er á menntagatt.is og þar má sjá hvaða forgangsskólar fylgja hverjum grunnskóla fyrir sig. Forgangsskóli fer algerlega eftir þeim grunnskóla sem viðkomandi útskrifast úr en ekki lögheimili. Lögheimili umsækjanda skiptir því ekki máli hvað varðar forgang hans í framhaldsskóla.

Þú sækir um á auglýstum umsóknartíma á menntagatt.is Innritun á vorönn fer fram í nóvember. Ef þú hefur verið í skóla erlendis þá verður þú að passa að senda einkunnir þínar til þeirra skóla sem þú sækir um í ef þú ætlar að fá eitthvað metið á milli skóla

Ef dóttir þín hefur ekki valið sér þriðja tungumál eða norðurlandamál getur hún gert það eftir að hún innritast í þann skóla sem hún valdi sér. Þetta hefur ekki áhrif á það hvort hún kemst inn eða ekki.

Skólarnir fá senda lokaeinkunn nemenda úr 10. bekk

Þú sækir um þá skóla sem þú vilt fara í núna í forinnritun. Umsóknin þín þar gildir sem lokaumsókn ef þú breytir henni ekki. En þú getur breytt umsókninni þinni fram til 9. júní sem er jafnframt síðasti dagurinn til að sækja um skóla fyrir haustönn 2011

Það er því miður búið að loka fyrir innritun og flest allir skólar búnir að fylla sín pláss

Ég hringi í þig

þeir sem eru að ljúka grunnskóla eru í forgangi með að komast í framhaldsskóla og svo verður einnig eftir ár. Það er því erfitt að svara því hvort þú myndir komast í sama framhaldsskóla og þú hefur fengið inni í núna eftir eitt ár fer allt eftir því hversu mikil aðsókn verður inn í þann skóla þegar þú sækir um næst.

Ef þú ert hættur við þá endilega láttu þann skóla sem þú fékkst inni í vita svo einhver geti nýtt plássið þitt.

Ég geri ráð fyrir því að innkaupalistar fyrir skólana komi inn á heimasíður þeirra þegar nær dregur og þú veist hvaða greinar þú tekur um leið og þú færð stundatöfluna afhenta á skólasetningu :)

Það er því miður orðið of seint að breyta umsókninni og ég dreg mjög í efa að þú komist inn í FB næsta haust vegna þess að skólinn hefur fyllt öll sín pláss.

Sæll Reiknað er með að allir verði búnir að fá svar fyrir lok júní. Best er að fylgjast með á menntagatt.is því ef til vill eru einhverjir skólar fyrr til að svara en aðrir

Þú getur farið inn ámenntagatt.is klukkan 11 í fyrramálið og þá sérðu þetta

Ef þú hefur komist inn í skólann sem þú valdir númer eitt þá afgreiðir hinn skólinn umsóknina á þann hátt að hún hafi verið samþ. í öðrum skóla og þú færð ekki frekari upplýsingar um það.

Þú verður að ræða þetta við skólann. Hafir þú ekki sagt þig úr náminu þá verður birtingin inn á INNU þannig að þú hafir fallið í öllu. Endilega sendu mér póst á kristrun.birgisdottir@mrn með nafni og kennitölu til þess að ég geti kíkt á námsferilinn þinn.

Ef þú hefur komist inn í þann skóla sem þú valdir númer eitt þá færðu skólavist þar. Þú getur ekki breytt úr þessu því því skóarnir eru flestir búnir að fylla öll sín pláss

Þessi vefur er í umsjá mennta- og menningarmálaráðuneytisins. Þú væntanlega ert að spyrja um skólagjöld hjá einhverjum skóla er það ekki? Ef svo er þá vil ég benda þér á að hafa samband við viðkomandi skóla til að fá þessar upplýsingar

Það fer allt eftir því hve margir sækja um og hvaða einkunnir umsækjendur hafa. Ómögulegt að spá fyrir um hvaða einkunn þarf til að komast inn hverju sinni.

Þú getur breytt umsókninni þinni fram til 9. júní sem er jafnframt síðasti dagurinn fyrir þá sem eru að útskrifast úr 10. bekk núna í vor til að sækja um skólavist á haustönn 2011. Þú getur því breytt umsóknni þinni eins og þú vilt þangað til og það hvað þú breytir oft hefur engin áhrif á það hvort þú kemst inn í skólana sem þú á endanum sækir um í.

Skólarnir eru ekki með sameiginleg próf. Hvort prófin eru erfiðari hjá Versló eða MS get ég því miður ekki svarað

Það þýðir væntanlega að þú hefur verið samþykkt en hringdu í viðkomandi skóla og athugaðu þetta til að vera viss

Ég veit ekki alveg við hvað þú átt en t.d. þeir sem hafa búið erlendis geta tekið stöðupróf í tungumálum. Einhverjir taka líka áfanga á framhaldsskólastigi í 10. bekk og fá þá áfanga metna í áfangakerfi.

Það er nóg að velja braut

Sæl Ingun. Umsóknarfresti fyrir þá sem eru fæddir 1994 eða fyrr lýkur á miðnætti í kvöld. Þannig að þú þarft að hafa hraðar hendur viljir þú sækja um. Ég myndi benda þér á að sækja um á menntagatt.is í einhvern fjölbrautarskóla og bendi t.d. á FB, FÁ eða BHS ef þú býrð á höfuðborgarsvæðinu en annars á þann skóla sem er þér næstur

Ef þú ert í 10. bekk þá fer umsóknin ekki í vinnslu hjá skólunum sem þú sækir um hjá fyrr en eftir að umsóknarfresti lýkur 9. júní. Þú getur því alltaf farið inn í umsóknina þína fram að þeim tíma og tekið skólana í burtu eða breytt þeim. Ef enginn skóli er valinn er umsóknin ekki gild og fer ekki áfram. Ef þú ert eldri nemandi þá getur þú alltaf farið inn á umsóknarvefinn og valið "afturkalla umsókn". Það þýðir að umsóknin fer þá frá þeim skóla sem hún er komin til og til þín aftur. Eftir að skóli hefur unnið með umsóknina og sett á hana stöðu, samþykkt eða hafnað þá er ekki hægt að eyða henni.

Það skiptir í raun ekki máli. Skólinn sem þú ert að sækja um í sér í hvaða námsgreinum þú ert í núna og raðar inn á þig samkvæmt því

Tímasetningar fyrir innritun á haustönn 2011 eru: Forinnritun fyrir nemendur sem eru í 10. bekk hefst 21. mars og er til 1. apríl 2011 Það verður hægt að breyta umsóknum úr forinnritun 16. maí til 9. júní 2011 Innritunartími fyrir aðra en þá sem eru í 10. bekk er 4. apríl til 31. maí 2011

Það er sennilega misjafnt eftir skólum en flestir skólar koma til með að svara umsóknum í byrjun desember

það er best að þú spyrjir skólann sem um ræðir beint að þessu.

Skil vel að þetta getur komið sér illa fyrir suma. Skólarnir þurfa sinn tíma til að vinna úr þeim fjölda umsókna sem þeir fengu. Það eru þó margir skólar sem hafa í hyggju að svara fyrr og því skora ég á þig að fylgjast vel með þinni umsókn á menntagatt.is

Umsækjandinn sækir um líkt og aðrir sem flokkast undir eldri nemendur (þeir sem ekki eru að útskrifast úr 10. bekk) Nánari upplýsingar um innritun má finna á menntagatt.is Athuga þarf að einkunnir úr erlendum skóla fylgi umsókninni þegar hún er send inn en grunnskólaeinkunnir 10. bekkjar koma sjálfkrafa inn þ.e. hafi viðkomandi útskrifast úr íslenskum grunnskóla.

Þú getur breytt umsókninni þinni inn á menntagatt. Ferð inn á sama hátt og þegar þú sóttir um í forinnrituninni og velur "breyta umsókn" Athugaðu að þú þarft að vera búinn að breyta fyrir 9. júní

Það er líklegt að svo sé en það er best fyrir þig að spyrja forsvarsmenn skólans um þetta mál

Það er eitthvað misjafnt eftir skólum en allir verða búnir að gefa svar um miðjan desember

Ef þú hefur sótt um í forinnritun og vilt ekki breyta neinu í þinni umsókn þá gildir sú umsókn sem þú settir inn þar. Ef þú vilt breyta einhverju þá þarftu að gera það í síðasta lagi 9. júní 2011. Það er því í raun engin lokainnritun, verður bara að vera búinn að setja inn umsókn fyrir þennan tíma.

Þú getur sett það inn sem athugasemd í umsókninni þinni. Annars er best fyrir þig að ræða beint við þann skóla sem þú ferð í þ.e. þannig að þú verðir ekki sett(ur) í dönsku á fyrstu önninni. Ég geri engu að síður ráð fyrir því að þú þurfir að fara í stöðupróf í dönsku til þess að fá að sleppa við hana. Upplýsingar um stöðupróf má finna á heimasíðu Menntaskólans við Hamrahlíð

Það er sennilega eitthvað misjafnt eftir skólum. Ég ráðlegg þér að kíkja á heimasíðu þess skóla sem um ræðir og finna upplýsingar um þetta þar

Grunnskólarnir ákveða sjálfir hvernig skólaeinkunn nemenda í 10. bekk er samsett. Í flestum tilfellum er um að ræða lokapróf á vorin og vinnueinkunn frá kennara sem byggir líklega á símati yfir önnina eða veturinn. Framhaldsskólarnir fá einkunnir úr öllum fögum en líta flestir eingöngu á einkunnir í kjarnafögum sbr. íslensku, stærðfræði, ensku, samfélagsfræði og náttúrufræði. Það fer þó eftir því á hvaða braut er sótt en skólarnir líta sumir á einkunnir í dönsku og sérfög sem tengjast þeirri braut sem sótt er um. Hægt er að skoða hvaða inntökuskilyrði skólar setja inn á brautir á vefsiðum skólanna.

Ég veit ekki alveg við hvað þú átt en t.d. þeir sem hafa búið erlendis geta tekið stöðupróf í tungumálum. Einhverjir taka líka áfanga á framhaldsskólastigi í 10. bekk og fá þá áfanga metna í áfangakerfi.

Þú velur ekki áfanga fyrir fyrstu önnina í framhaldsskóla, skólinn sjálfur sér um að raða á þig í byrjun.

Grunnnám bygginga- og mannvirkjagreina er grunnnám fyrir m.a. húsasmíði. Nánar upplýsingar um námsleiðina má finna á eftirfarandi vefslóð: http://www.tskoli.is/skolar/byggingartaekniskolinn/namsleidir-i-bodi/deild?fid=2&did=2

Þeir sem voru að útskrifast úr 10. bekk fá að vita þetta í síðasta lagi 28. júní

Það er algerlega undir þér sjálfri/sjálfum komið hvort þú setur inn einhverjar persónulegar upplýsingar með umsókn þinni. Ég get því miður ekki svarað því hvort það hefur áhrif á hverjir komast inn. En ef þú vilt setja inn upplýsingar þá seturðu þær annaðhvort inn undir annað sem umsækjandi vill að komi fram eða hengir bréf í viðhengi undir "myndir eða skjöl"

Þetta er eitthvað sem þú þarft að ræða við viðkomandi skóla

Sjá svar við spurningu hér að neðan

Þú getur það að öllum líkindum ekki vegna þess að skólinn sem þú valdir númer 2 er sennilega búinn að fylla öll sín pláss fyrir næstu önn

Sendu mér póst á kristrun.birgisdottir@mrn.is og ég get sent þér ferilinn ef hann er enn inn í INNU

Skólinn getur best svarað þessari spurningu og því hvet ég þig til að hringja í MR til að fá svör við þessu.

Já það er hægt. Næsta innritun er auglýst á menntagatt.is

Það er eitthvað misjafnt eftir skólum en reiknað er með að almennt séu komin svör um miðjan desember

Nei, forgangur tengist eingöngu úr hvaða grunnskóla nemandi útskrifast en ekki lögheimili eða búsetu. Framhaldsskólar taka við nemendum allsstaðar af landinu óháð búsetu þeirra og raðast inn í umsóknarröð eftir einkunnum úr grunnskóla.

Verzlunarskólinn getur best svarað þessari spurningu og því best að þú hringir í skólann og fáir svar við þessu.

Svör um skólavist birtast á menntagatt.is 27.júní. Einhverjir skólar senda sínum umsækjendum bréf og allir gíróseðla fyrir innritunargjöldum sem koma fram í heimabanka

Einkunnir þínar úr 10.bekkjar prófunum eru það sem skólarnir fara eftir þegar þeir eru að raða umsækjendum í röð til inntöku þ.e. ég geri hér ráð fyrir því að þú sért að ljúka 10. bekk núna í vor. Skólinn þinn sér síðan um að senda inn einkunnir þínar og líka þær sem þú hefur lokið á framhaldsskólastigi þannig að þú þarft ekki að gera það sjálf/ur

Ég átta mig ekki alveg á spurningunni, vinsamlegast útskýrðu frekar sbr. hvaða skóla ertu með í huga?

Ég skil ekki alveg þessa spurningu. Vinsamlegast útskýrið betur

Þú þarft að sækja um á menntagáttinni þegar það opnar fyrir næstu innritun. Skólinn sem þú sækir um hjá fær aðgang að námsferlinum þínum þegar þú gerir það og sér þá hvað þú ert búin með og hvað þig vantar. Það getur samt verið gott fyrir þig að ræða við þá hjá FB áður en þú sækir um til að láta þá vita af þér því það er mikil aðsókn á snyrtibrautina og því gæti það komið sér vel fyrir þá að þú þarft ekki að taka mikið af grunnáföngum í bóklegum greinum. Gangi þér vel.

Ég get því miður ekki sagt að neitt sé öruggt en það eru góðar líkur á því að þú komist inn í FÁ ef MH synjar umsókninni þinni. Passaðu þó að það eru ákveðin inntökuskilyrði inn á brautir og ef þú hefur ekki náð þeim þá þarftu að byrja á því að sækja um á almenna braut

Innritun á vorönn 2012 fer fram á menntagatt.is frá 1.-22. nóvember

Það þýðir sennilega að umsókninni þinni hefur verið hafnað en skólinn á eftir að senda þér bréf þess efnis. Endilega hafðu samband við viðkomandi skóla til að fá nánari útskýringar

Það er best fyrir þig að hafa samband við Verslunarskólann til að fá svar við þessu.

Þú verður að athuga það hjá þeim skóla sem þú ert að fara í

Það er hægt að afturkalla umsóknir á meðan umsóknartímabil stendur yfir.

Umsóknafrestur fyrir skólavist á vorönn 2012 var til 22. nóvember. Ef þú hefur ekki sótt um fyrir þann tíma þarftu að bíða þar til það opnar fyrir umsóknir á haustönn 2012 sem verður í maí. Það gæti verið gott fyrir þig að setja þig í samband við þann skóla sem þú hefur hug á að sækja um í fyrir þann tíma til að láta vita af þér.

Ekki örvænta áður en bréfin eru send út :) Þau eiga að fara í póst á morgun og þá opnast einnig fyrir stöðu umsókna á menntagatt.is

Það er eitthvað misjafnt eftir skólum. Mæli með að þú hafir samband við þá skóla sem þú valdir og spyrjir þá um hvenær þeir ætla að vera búnir að afgreiða sínar umsóknir

Þú sækir um á menntagatt.is og lætur fylgja gögn (einkunnir) frá erlendum skólum í viðhengi. Það fer svo eftir þeim skóla sem þú ferð í hvernig fyrra nám er metið.

Þú átt að fá skólavist. En það er ekki víst að það verði í þeim skóla sem þú ert að sækja um í. Námsferill þinn úr þeim skóla sem þú ert að hætta í skiptir hér miklu máli. Því betri námsferill því meiri líkur á því að þú fáir það sem þú ert að óska eftir.

Menntaskólinn í Kópavogi býður upp á nám í bakarariðn. Nánari upplýsingar um námið má sjá á þessari vefslóð: http://mk.is/index.php?option=com_content&view=article&id=97&Itemid=161

Sendu mér póst þar sem kemur fram nafnið þitt og kennitala á kristrun.birgisdottir@mrn.is

Viðbótargögn eru sett inn í umsóknina og báðir þeir skólar sem sótt er um fá aðgang að þeim gögnum.

FB er allavega að með námsbraut fyrir snyrtifræði og upplýsingar um hana má sjá á http://www.fb.is/namid/namsbrautir/snyrtibraut/ Einnig eru einhverjir einkaskólar að kenna snyrtifræði.

Hnappurinn er eingöngu til að sýna hvaða forgangsskólar fylgja hverjum grunnskóla fyrir sig. Framhaldsskólarnir eru meðvitaðir um hvaða grunnskólar hafa forgang og afgreiða umsóknir samkvæmt því.

Best er fyrir þig að hafa samband við Kvennaskólann vegna þessa

Það er best að hafa samband við skólann til að fá upplýsingar um hvenær þeir ætla að gefa svör við umsóknum i skólann

Varðandi þessa spurningu þá er best að þú hafir samband beint við Verslunarskólann

Allar upplýsingar um innritun eru á http://menntagatt.is Þú sækir um 21. mars til 1. apríl með því að senda umsókn inn rafrænt í gegnum Menntagáttina. Þú getur síðan breytt umsókninni 16. maí til 9. júní. Þú þarft að láta það koma fram í athugasemd í umsókn að þú ljúkir 10. bekk í Bandaríkjunum og hvenær er fyrirhuguð útskrift. Gott væri ef þú gætir látið einkunnaspjaldið fylgja með umsókninni sem viðhengi og minnst á það í athugasemdadálk, en ef þú nærð ekki að fá útskriftarspjaldið þitt fyrir 9. júní verður þú að hafa samband beint við skólana sem þú sækir um hjá og láta þá vita af því og segja þeim hvenær þú getir sent þeim það. Þú skalt síðan vera í reglulegu sambandi við skólann upp á að þeir taki tillit til ólíkra námsgreina sem þú ert að ljúka og slíkt.

Það er misjafnt eftir brautum og skólum hvaða fög þarf að klára til að verða stúdent. Ég vil benda þér á heimasíður skólanna en þar koma fram upplýsingar um hvaða námsbrautir eru í boði og hvaða námsgreinar þær innihalda.

Skólarnir sjá lokaeinkunn í hverju fagi fyrir sig og því best fyrir þig að fá nánari upplýsingar um samsetningu einkunnar hjá viðkomandi grunnskóla

Þú getur auðveldlega reiknað þetta út úr töflunni sem er á vefsíðunni: menntagatt.is/innritun undir tölulegar upplýsingar

Venjan er sú að einkunnir nemenda úr sumarskóla birtast á INNU og eru því sýnilegar þeim skóla sem viðkomandi stundar nám í. Þetta ekki valkvætt

Þú getur fylgst með umsókninni þinni inni á menntagatt.is (notar veflykilinn líkt og þegar þú sóttir um). Þú færð einnig sent bréf í pósti frá þeim skóla sem þú fékkst skólavist í.

Það er engin skylda að taka þátt í forinnritun og sleppi nemendur því á hann ekki minni möguleika á að komast inn í þann skóla sem hann velur í maí/júní. Við mælum þó með því að nemendur taki þátt í forinnritun því niðurstöður úr henni hjálpa okkur við ýmsa þætti er varða innritun. Endilega ef þú vilt fá frekari upplýsingar þá hringdu í síma 5459572

Upplýsingar um forinnritun má nálgast á menntagatt.is sjá vefslóð hér að neðan: http://efni.frodi.is/innritun/h12/forinnritunval3april2012.pdf

Sæl Sendu mér tölvupóst á kristrun.birgisdottir@mrn.is með símanúmerinu þínu. kveðja, Kristrún

Já þ.e. skólarnir sjálfir ákveða núna hvort þeir taka frekar við umsóknum úr sínu nærumhverfi. Upplýsingar um það má sjá á heimasíðum skólanna þ.e. eftir hverju þeir fara við innritun nýnema

Já, þú skalt breyta þessari umsókn og senda hana inn í þá skóla sem þig langar meira í.

Einhverjir skólar hafa verið seinir til að opna en þetta á að komast í lag í dag eða fljótlega

Sendu mér póst á kristrun.birgisdottir@mrn.is með nánari upplýsingum s.s. kennitölu og símanúmeri og ég hringi í þig

Það er best fyrir þig að hafa samband beint við Verslunarskólann til þess að fá svör við þessari spurningu

Varðandi þetta er best að þú hafir samband við þann skóla sem þú hefur hug á að komast í um áramótin.

Þetta þýðir að þú hefur fengið inni í skóla númer 2 en ekki 1. Þessu er væntanlega ekki hægt að breyta því MK sennilegt að búið sé að fylla öll pláss í MK

Það er ekki um neitt sérstakt hraðnám að ræða en þeir nemendur sem standa sig vel geta tekið fleiri áfanga í töflu í þeim skólum sem bjóða upp á áfangakerfi og eru því fljótari að klára sem því nemur

Það getur alveg verið að þú komist inn um áramótin. Best er þó að fá upplýsingar um þetta hjá MH

Nei það á ekki að skipta máli hvenær þú sækir um innan umsóknartímans því skólarnir fara ekki að vinna úr umsóknum fyrr en því tímabili lýkur

Þú getur nálgast þetta inn á menntagáttinni undir flipa sem heitir "sækja um eða týnt lykilorð"