Fullorðinsfræðsla á Norðurlöndum
NVL er norrænt tengslanet um fullorðinsfræðslu. Á vef NVL eru upplýsingar um norræn tengslanet og verkefni. Þar er safn af krækjum sem auðvelda leit að upplýsingum um menntakerfi og stofnanir á Norðurlöndum. Á síðunni er ennfremur dagatal með upplýsingum um viðburði framundan, um nám fullorðinna og svæði fyrir umræðu í faghópum. Vefur NVL er á www.nordvux.net.

Íþróttaakademía í Reykjanesbæ
Tilgangur Íþróttaakademíunnar er að sinna fræðslu á sviði íþrótta, heilsu og símenntunar og annari starfsemi sem tengist málefninu. Markmið stofnunarinnar er að starfa í þágu almenningsheilla og er öllum hagnaði ráðstafað í þágu þess markmiðs.

FS-netið
FS-netið er hraðvirkt gagnaflutningsnet sem tengir saman alla framhaldsskóla og símenntunarstöðvar á landinu. Það er upplýsingahraðbraut milli menntastofnana sem nýtist m.a. við dreifkennslu. Hægt er að  skoða FS netið á korti. Nánar upplýsingar á vefslóðinni fsnet.is. 

Mennt - samstarfsvettvangur atvinnulífs og skóla
Mennt er samstarfsvettvangur aðila vinnumarkaðarins, skóla á framhalds- og háskólastigi og sveitarfélaga. Meginhlutverk Menntar er að annast söfnun og miðlun upplýsinga og stuðla að gagnkvæmri yfirfærslu þekkingar og færni. Mennt sér um framkvæmd á verkefnum er tengjast menntun og fræðslu og er virkur vettvangur samræðna og samstarfs aðila vinnumarkaðarins, skóla og stefnumótunaraðila til þróunar menntunar fyrir atvinnulífið. Sjá nánar á mennt.is.