Ýmsir aðilar hafa ávinning af þjónustu Menntgáttar og eru hér dæmi um hann:

Menntamálaráðuneytið fær vettvang til að:

• miðla upplýsingum um stefnu sína um dreifmenntun
• stuðla að þróun og nýsköpun
• tengja markmið námskráa við námsefni, verkefni og próf
• auka samskipti ráðuneytisins við skólasamfélagið, stofnanir og einkaaðila sem koma að menntamálum
• auka alþjóðleg samskipti
• kynna nýjungar og efla notkun upplýsingatækni í skólum.
• hvetja til umræðu um menntamál

Stofnanir á vegum ríkisins fá aukin tækifæri til að:

• miðla efni til menntakerfisins
• koma á samstarfi við námsefnisframleiðendur
• efla tengsl við nemendur
• efla ímynd sína gagnvart almenningi
• kynna þjónustu sína
• nýta möguleika til menntunar fyrir starfsfólk

Sveitarfélög fá:

• betra aðgengi að stafrænu námsefni sem styður við kennslu í grunnskólum
• tækifæri til að skapa skólum sínum sérstöðu með því að leggja ólíkar áherslur í kennslu
• tækifæri til stuðnings við faglegt starf kennara í grunnskólum
• tækifæri til að koma á framfæri upplýsingum um menntamál sveitarfélagsins og ná sambandi við námsefnisframleiðendur, ferðamálaþjónustu og fleiri aðila
• stuðning við dreifkennslu, til dæmis fyrir fámenna skóla

Hagsmunasamtök:

• fagfélög kennara geta stuðlað að aukinni fagþekkingu og ábyrgð kennara í starfi
• stéttarfélög og samtök atvinnulífsins fá meiri innsýn inn í menntakerfið
• fá stuðning við símenntun á vegum fyrirtækja og stéttarfélaga
• aðilar sem vinna að velferð barna fá aðgang að upplýsingum
• samtök foreldra fá vettvang til að fylgjast með starfi skóla og koma ábendingum á framfæri

Nemendur:

• finna nám sem kemur til móts við þeirra þarfir
• fá aðgang að námssamfélögum
• fá aðgang að fjölbreyttara námsefni
• stunda nám á sjálfstæðari hátt en áður
• hafa tölvusamskipti við kennara og aðra nemendur
• hafa samskipti við sérfræðinga á ýmsum sviðum í háskólum, rannsóknastofnunum og víðar
• kynnast nýsköpun í skólastarfi

Kennarar fá tækifæri til að:

• styrkjast í starfi sem fagmenn
• spara tíma við leit að kennslugögnum
• nálgast markvissar upplýsingar
• koma eigin efni á framfæri
• nálgast styrki til þróunar kennslu og námsefnisgerðar
• vinna á nýsköpunarsvæði
• nota námssamfélög
• koma til móts við einstaklingsþarfir nemenda
• auðvelda skipulagningu kennslu og vinnu nemenda
• setja saman námsefni og beita kennsluaðferðum sem þeir telja best henta hverju sinni
• nálgast upplýsingar um hvernig koma á samstarfi við innlenda og erlenda aðila

Stjórnendur, skólastjórar, fræðslustjórar fá:

• aðgang að námi og námsefni af margvíslegum toga
• aðgang að námssamfélögum
• tækifæri til að skipuleggja skólastarf á markvissan hátt
• aðgang að upplýsingum sem miðla má til kennara
• auðvelda leið til að breyta skólastarfi

Foreldrar fá tækifæri til að:

• nálgast efni sem veitir þeim stuðning til að aðstoða börn sín
• fylgjast með þróun í skólastarfi
• skoða námssamfélög
• koma athugasemdum til viðkomandi aðila

Fyrirtæki fá:

• leið til að bjóða íslenska menntakerfinu þjónustu sína
• tengsl við aðila sem tengjast menntakerfinu
• tækifæri til að styrkja ímynd sína gagnvart menntakerfinu
• aðgang að námi og námsefni fyrir endurmenntun starfsmanna
• tækifæri til að koma námi og námsefni á framfæri
• tækifæri til að ná sambandi við hæfileikafólk í skólakerfinu
• tækifæri til að öðlast reynslu og þekkingu á þörfum skólakerfisins
• ábendingar og hugmyndir frá fólki innan skólakerfisins um framþróun vöru og þjónustu

Erlendir aðilar:

• fá aðgang að þjóðfélagi á mjög háu mennta- og tæknistigi til að þróa lausnir fyrir menntakerfi sín
• geta þróað vöru og þjónustu í samfélagi sem er smækkuð mynd af stærri markaðssvæðum
• íslensk fyrirtæki fá vettvang til að koma sér á framfæri erlendis